Kom Ons Skryf: 3 Letter Woorde.

Kinders leer die beste deur multi-sensoriese ervaring en wanneer take op ‘n prettige en ouderdomsgepaste vlak aangebied word.

Hierdie hulpmiddel is saamgestel deur 'n arbeidsterapeut en is daarop gemik om klanke, klankvorming, woordbou, visuele en ouditiewe vaardighede op 'n ouderdomstoepaslike en kreatiewe wyse te ontwikkel . 

Hierdie hulpmiddel sluit die volgende in:

• 20  x  3 letter woorde (bou die woord met klei). Druk in kleur om te lamineer vir herhaalde gebruik.
• 36 x Natrek (“Write and Wipe” ) 3 letter woorde. Druk in kleur om te lamineer.
• 20 Woordbou aktiwiteite
• 4 Skryf jou eie 3 letter woorde/ aktiwiteite  ( 36 woorde in kleur)
• 4  Inkleur en skryf jou eie 3 letter woorde (36 Swart en wit voorbeelde)
• 3 Kom ons lees 3 letter woorde (Druk swart en wit)
• 6  Kom ons skryf 3 letter woorde /ruimtelike oriëntasie aktiwiteite (Druk swart en wit)

Hoekom word hierdie die kombinasie en spesifieke aktwiteite voorgestel?

Wanneer ons die woorde met speelklei bou, word vingerspiere versterk en ondersteun dit potloodgreep ontwikkeling en handskrif terwyl natrek (“Write and Wipe”) van 3-letter woorde die klankvorming en analise en sinteses van visuele inligting ondersteun. 

Addisionele aktiwiteite, wat lees en onafhanklike skryf van woorde insluit, is ook bygevoeg vir verdere vaslegging im oordrag na die klaskamer te verseker.  Werksvelle met inkleurprente en 3-letter woorde kan as tuiswerk of vir vaslegging in die klaskamer gebruik word). 

Hierdie hulpmiddel is ideaal vir sterk Graad R leerders wat hulle klanke goed bemeester en reg is vir die ʼn nuwe uitdaging, asook Graad 1 leerders vir klank vaslegging of leerders wat addisionele hulp en remediëring benodig.

62 bladsye (Kombinasie kleur en swart/wit aktiwiteite)